Ekstremiserema eastadeapmi lea oktasaš servodatovddasvástádus. Universitehtat ja allaskuvllat fertejit váldit ovddasvástádusa maiddái dán suorggis.

Sátnefriddjavuohta ja searvadahttin

Deháleamos váikkuheapmi universitehtain ja allaskuvllain lea fievrridit máhtolašvuođa, demokráhtalaš ipmárdusa ja searvadahtti oahppanbirrasiid. Dat duddjo vuođu oadjebasvuhtii, hutkáivuhtii ja kritihkalaš jurddašeapmái.

Universitehtat ja allaskuvllat fátmmastit ja vuhtiiváldet olu studeanttaid ja bargiid geain lea   iešguđetlágán duogáš ja oaivil. Dan vuođul šaddá vejolažžan digaštallat ja lonohallat oaiviliid iešguđetge arenas.

Akademalaš friddjavuohta ja sátnefriddjavuohta leat vuođđoárvvut alit oahpus ja dutkamis. Bargit ja studeanttat besset friddja guorahallat iešguđetge fágasurggiid ja ovdanbuktit iežaset oaiviliid.

Dutkit ja logaldallit galget láhčit dili ja movttiidahttit digaštallama ja oaivillonohallama. Seammás lea dehálaš diehtit maid galgá dahkat jus vuorjašuvvá.

Dieđit jus vuorjašuvat

• Vuohtátgo rievdadusa, go geahčat ollislaččat, ja jurddašalatgo ahte muhtun sáhttá leat ekstremiserenproseassas?
• Leatgo dus gažaldagat antidemokráhtalaš radikaliserema birra dahje veahkaválddálaš ekstremismma birra?

Váldde oktavuođa politiijain 02800 (birra jándora) ja bivdde hupmat du politiijaguovllu radikaliserema gulahallanolbmuin. Váldde oktavuođa RVTS:in 22 58 60 00, jus háliidat hupmat muhtun earáin go politiijain dan birra.

Buohkain lea geatnegasvuohta hehttet lobihis dáhpáhusaid mat leat áittan eallimii ja dearvvašvuhtii, go jáhkká sihkkarit ahte dáhpáhus boahtá dáhpáhuvvat. Dakkár oktavuođain boahtá hehttengeatnegasvuohta ovdalii vejolaš jávohisvuođageatnegasvuođa.

Eastadeaddji doaibmabijut

Máhtolašvuođasuorggi gearggusvuođaráđđi lea ovttasráđiid universitehtaiguin ja allaskuvllaiguin ráhkadan “Doaibmabidjolisttu radikaliserema ja veahkaválddálaš ekstremismma eastadeami várás”.

Lea ovttaskas universitehta ja allaskuvlla duohken ásahit doaibmabijuid.
Máhttodepartemeanta deattuha earret eará:

• Bures oahpásnuvvat guhtet guimmiineamet
• Oassálastit almmolaš servodatdigaštallamis
• Nannet psykologa- ja ráđđeaddinveahkkefálaldaga
• Váldit ásahusa riska- ja hearkivuođaanalysii fárrui antidemokráhtalaš radikaliserema ja veahkaválddálaš ekstremismma eastadeami.  

E-oahpahus

Dáin oanehis e-oahpahuslekšuvnnain (3–5 min) sáhtát oahppat eambbo ekstremismma birra:

• Ekstremismma ferte váldit duođas (e-oahpahus 3–5 min)
• Makkár dovdomearkkat leat ekstremiserenproseassas? (e-oahpahus 3–5 min)
• Mot sáhttet bargit ja studeanttat veahkkin eastadit ekstremiserema? (e-oahpahus 3–5 min)
• Daga dán jus vuohtát ekstremiserema (e-oahpahus 3–5 min)