Diehtit mii gusto ja čuovvut sihkarvuođamearrádusaid

Juohkehaččas lea ovddasvástádus oahppat sihkarvuođamearrádusaid iežas oahpu dahje bargguid oktavuođas, ovdamearkka dihte:

• Čuovvut gustovaš njoammuneastadannjuolggadusaid
• Suddjet persondieđuid dahje eará dieđuid main lea nanu čiegusvuođagáibádus studeantabargguin, dutkamis dahje hálddašeamis
• Sihkarvuohta olgoriikkamátkkiin studeanttaiguin, gieddebargguin, ekskuršuvnnain dahje mearramátkkiin
• Sihkarvuohta lágideami plánemis, gosa bohtet olu olbmot dahje mas leat nággobohciideaddji fáttát  
• Oadjebas bargu labas/bájis/hárjehallanlanjas

Leage gozuid alde ja dieđit sávakeahtes dáhpáhusaid, boasttuvuođaid ja váilevašvuođaid

Lea dehálaš dieđihit, bisuhan dihte ja buoridan dihte du bargo- dahje oahppobáikki sihkarvuođa.

Ovdamearkkat maid galggat dieđihit:

• Olbmo vahágahttima dahje ávdnasiid billisteami
• Givssideami, seksuálalaš loavkašuhttima, várálaš dilálašvuođaid ja lobihis daguid nugo veahkaválddálašvuođa, suoládeami, sisagaikuma ja sullasaččaid
• Diehtobeahttumiid ja go dieđut leat gártan leavvat boasttobáikkiide
• Váilevašvuođaid sihkarvuođabargovugiin dahje teknihkalaš sihkarvuođadoaimmain, dahje daid rihkkun
• Lágaid, láhkaásahusaid ja siskkáldas bargovugiid rihkkun

Jođiheaddjit, bagadallit ja prošeaktajođiheaddjit

Galget fuolahit ahte:

• Leat ráhkaduvvon sihkarvuođabargovuogit iežaset ovddasvástádussuorggi siskkobealde
• Fállat sihkarvuođaoahpahusa