Personsuodjalusa rolla

Personsuodjalusáittardeaddji galgá fuolahit studeanttaid, bargiid, dutkanoasseváldiid ja pasieanttaid personsuodjalusberoštusaid, ja gozihit ahte personnjuolggadusat čuvvojuvvojit. Don sáhtát geavahit personsuodjalusáittardeaddji veahkkin buot áššiin mat gusket persondieđuid gieđahallamii.

Váldde oktavuođa personsuodjalusáittardeddjiin personsuodjalusa váikkuhusaid árvvoštallama oktavuođas (DPIA).

Buot almmolaš ásahusain galgá leat personsuodjalusáittardeaddji. Olgguldas olbmot dahje doaimmahusat sáhttet doaibmat personsuodjalusráđđeaddin, ja veahkehit personsuodjalusáittardeaddji iešguđetlágán áššiiguin. Olu universitehtat ja allaskuvllat geavahit SIKTpersonsuodjalusráđđeaddin dutkamiid oktavuođas.