Seksuálalaš loavkašuhttin lea sávakeahtes seksuálalaš láhtten mii dagaha ahte dovddat bilkiduvvon, cielahuvvon dahje leat suorganan.

Seksuálalaš loavkašuhttin sáhttá leat:

• Seksuálalaš dadjamat dahje leaikkastallan
• Ahte muhtun čájeha seksuálalaš govaid dahje tevnnegiid
• Ahte muhtun sádde e-poastta, sms ja sullasaččaid main lea seksuálalaš sisdoallu
• Eará unohis láhtten, oktan sávakeahtes seksuálalaš lahkoneapmi ja duohtadeapmi
• Iešguđetlágán seksuálalaš illasteapmi

Jus oahppo- dahje bargooktavuođas vásihat seksuálalaš loavkašuhttima, de berret:

• Muitalit muhtumii geasa luohtát, ovdamearkka dihte lagamus jođiheaddjái, oahppojođiheaddjái, suodjalusáittardeaddjái, studeantaáittardeaddjái, luohttámušolbmui, dahje eará veahkkái.
• Sáhtát maiddái ohcat ráđiid studeantaovttastusas, HR-bargis dahje fitnodatdearvvašvuođabálvalusas.
• Čállit áiggi ja báikki, mii dáhpáhuvai ja mot don vásihit dan.

Bargin galggat maiddái dieđihit jus gulat ahte loavkašuhttin dáhpáhuvvá dahje lea dáhpáhuvvan.

Oahppo- dahje bargobáikkis galget leat formála bargovuogit seksuálalaš loavkašuhttima dieđiheami hárrái, ja mot dan galgá čuovvulit. Oahppo- dahje bargobáikkis lea ovddasvástádus čuovvulit dakkár áššiid.